கேள்வி: SBI Clerk தேர்வில் எப்படி GEN, SC, OBC cut-off ஒன்றாக இருக்கிறது?
பதில்:
குறைவான இடங்கள், கடுமையான போட்டி இருந்தால் cut-off ஒன்றாக வர வாய்ப்பிருக்கிறது.
SC, ST, OBC பாவம் என்று யாரோ ஒரு அரசியல்வாதியோ அதிகாரியோ இத்தனை நாள் குறைவான cut-off முடிவு செய்யவில்லை.
இருக்கிற இடங்களுக்கு எத்தனைப் பேர் போட்டியிடுகிறார்கள் என்பதைப் பொருத்து cut-off மாறும்.
மருத்துவப் படிப்புக்குப் போட்டி அதிகம். அதனால் cut-off அதிகம்.
கலை, அறிவியல், பொறியியல் படிப்புகளுக்கு மருத்துவத்தை விட இடங்கள் அதிகம். அதனால், போட்டி குறைவு. Cut-offம் குறைவு.
ஒரே படிப்பு என்றாலும் நல்ல கல்லூரிக்குப் போட்டி கடுமையாக இருக்கும் என்பதால் cut-off அதிகமாகத் தேவைப்படும்.
பொறியியல் படிப்பு இடம் மொத்தமே 10 சீட் தான் என்று வைத்துக் கொள்ளுங்கள். GEN, SC, OBC எல்லோரிலும் 200/200க்கு எடுத்த மாணவர்கள் ஓரிருவராவது இருப்பார்கள் அல்லவா?. அப்போது, அது தான் எல்லோருக்குமே cut-off ஆக அமையும்.
SBI போன்ற அரசுத் தேர்வுகளுக்கு இலட்சக்கணக்கான இளைஞர்கள் முட்டி மோதுகிறார்கள். காலியாக இருப்பதோ மிகக் குறைவான இடங்கள். அதனால் தான் இந்த நிலை.
பார்க்க… முகநூல் உரையாடல்